ياعين هلي غزير الدمع واهتمي
طفله بكتني سنة وشلون مبكيها
وان جفت عروق دمعي جبت لك دمي
عندك شراييني لاخر قطرة فيها
تستاهل الحب كلمه ساقها فمي
باحلى رشوش الهوى واحلى معانيها
تستاهل الحب كل الحب يا ....
لصار هالحب نقطه من مواريها
بنت تمنيت يبقى قربها يمي
الله على يوم شالت عن اراضيها
بنت تجيب الهنا لاصرت مغتمي
وتسلي حياتي انا يوم الاقيها
بنت هناها هناي وهمها همي
وان هي تخلت انا ماكنت اخليها
بنت تلم الجروح العايبه لمي
من لمسة يختفي كل علة فيها
ياليت لي قدرة للبعد وانمي
وصل المحبه على مرفا موانيها
ياليتني ماتركت الهجر يلتمي
مير القدر كلمه ما اقدر اجليها
اهدالي ( الفتانه ) اسم الدلع الي تحبه