[align=center]السلام عليكم ورحمة الله وبركاته
إخواني أعضاء المنتدى................
حادثه تكررت معـــــــي وأحببت أن أشارككم معـــــــــــي فيها .............
أبطالها اثنان من موظفي مكتب الأحوال المدنية بالحفر................
الأول وقــــــــــــــــــــــــــــح لأبعد الحدود ولا يحترم المراجعيــــــــــــن (( موظف إستقبال )) 
....
والثانــــــــــي مؤدب ومرح وخدوم لأبعد الحــــــــــــــدود (( موظف الحاسب ناصر ))
.........
{ للمعلومة لا تربطني أي علاقة بالمذكورين ولكن كلمة الحق تقال }
السالفه إني ماسك ســرى مع الناس عند الإستقبال ويوم جاني الدور ,,,, سلمت علي موظف الاستقبال ومديت له أوراقي ........
قالــــي : وش عندك ( بنفس خايسه )
قلتله: أبد الله يسلمك بس أبي أقدم على شهادة ميلاد بدل فاقد لأخوي
مد يده على رف الطاوله وسحب لي نموذج........أخذت النموذج إلا هو رايح فيها ممسوح من كثر التصوير ومستحيل تقراه ....... ومستحيل تعبي الخانات المطلوبه لأنها غير مرئيه ..........
رجعت له .......و قلت : يالطيب لو سمحت ابيك تغير لي النموذج ما هو واضح.....
رد علي وبكل بجاحة والشرار يتقادح مع عينه وقام من الكرسي ... وطاحت من يده دباسه الورق وتناثرت اوراق المراجعين على الأرض .........وصار ينتفض ....(( كأنه قنبله وانفجرت ))
توقعوا وش قال ...........
قال { أنا ما لي شغله غير انتم يالمراجعين ( وبصوت عالي ) ابشر طال عمرك انت وياه تبون اوراق جديده هالحين ابي اروح اشتري لكم اوراق ( يتمسخر) ........... وقام يبلبل ويتمتم....و....و....و.
راح ابو الشباب وطلّع لي نموذج جديد وقال رح .....رح ..........رح صوّره وخذ نسخه ورجع لي الاصل.....
قلتله خير ان شاء الله وش فيك زعلان أحد سبّك.....
عطاني هاك النظره القشراء (( إهب يا وجهه )).....
رديت عليه وقلت ليش ما تصورها انت ... عندك آلة تصوير .... قال انا ماني شغّال عندك .... قلت ابشر اصورها بس اعصابك .... ما يحتاج الامر كل هالعصبيه ...
اخذت النموذج وصورته من محل التصوير اللي بالأحوال (بريال) ورجعت له عشان اعطيه اصل النموذج وآخذ الصوره .... الحمد لله عدت على خير
بس يوم قفيت إلا أسمعه يلجلج مع مراجع آخر...
ما عجبني الوضع ....
دخلت على مدير الصالة وبلغته باللي صار بالحرف الواحد ......
شوفوا وش قال ..........
إييييييه إيييييه إييييييه ............ خلاص وبارد الرجال الله يهديه.
كملت طريقي للحاسب ولقيت الفرق الشاسع بين الموظفيـــــــــن .
رجل بكل ادب يرد السلام ويبتسم ويضحك وفوق كل هذا لو معاملتك فيها نواقص بسيطه يمشيك بسرعه ولا يردك نهائيا.
أتمنــــــــــــى إن الموظفين الحكوميين يحترموا المواطنين لأن الذي لا يحترم الناس غير جدير بالاحترام.[/align]