[سعد المطيري]

[align=center]

[rams]http://www.naseemalrooh.net/old/music/domoea/Track03.wma[/rams]


وين أنت ..؟

يا صاحبي الله يردك على خــــــــــــــير
.................................. قلب ٍ يحبك لا تزود عــــــــــــــذابه
أرجع ترى لك كل حب ٍ وتقـــــــــدير
.............................. ومن لا يعيش الحب يرجـــــي سرابه
وين أنت ..؟ عني ماخذتك المقادير
.................................شف حال من بعدك عنا الوقت صابه
وين أنت ..؟ لو طول غيابك وش يصير
....................................الله يعين المنتـــــظر من صوابه
وين أنت ..؟ عني ما تفيد المعاذير
...........................................مل الصبر والوقت كشر بنابه
تعال طمني ولو بعذر ٍ صغـــــــــير
......................................دام الغلا والشوق شرعت بابه
تعال شوف الناس من حولي كثير
...........................................عذال ووجيه العواذل تشابه
كل من سألني قلت حبه ترى غير
.......................................حبه ملـكني .. "لا " حبه نهابه
هذاك لو يخطي يجيب التباشير
..........................................خطاه عندي فيه ملح وذرابه
هذاك ما يوم ٍ حصل منه تقصير
...........................................لو طال صده ما يطول غيابه

شف

وش

كثر

في غيبتك من تعابير
.......................................وهم ٍ يجيب القلب وهم ٍ غدابه
وين أنت ..؟ ما للهجر والبعد تفسير
................................... غربة وقلبي مـــــل كثر أغترابه
وماهمني جرح الزمن دامك بخير
...................................... ياللي بغــلاه القلب نوخ أركابه
..
.
( سعد المطيري )
..
. [/align]