[الشمـــالي]

هلا باللي عيوني ما تمله
هلا باللي له بقلبي محلي

هلا بالشوق كله ونور كله
ملكني بالغلا والشوق كلي

دخل بالقلب شوقي واستحله
ولا غيره يجي بالناس خلي

لطيف ومع جماله حسن دله
حبيب وما يحب اسم التغلي

كلامه طول ليلي ما أمله
رقيق وعذب والكلمة دواً لي

أحبه وأعشقه وأهواه والله
وله بعروق دمي كل ملِّي

وكله أغلا الغوالي يرخصن له
ومن غيره ترى حالي مولِّي

سكن بين الضلوع وهو محله
مكان القلب نبضه ما يملِّي

وسيف العشق لعيونه أسله
وأبادله الموده والتسلي

اذا فارق يجي بالعقل خله
ودمعي فوق خديني يهلي

أردد ليت أو حتى لعله
يجي أو يتصل ليت ولعلي

وفكري كل لحظة ينتقل له
وأشوفه عند ترحالي وحلي

واذا شفته بصوره مستقله
أرحب به بدون اشعور واهلي