قمت ماني في شعوري كل ما فيني يهلـــــــــــــــي
كنها المتفضله بانقاذ روحي من بحرهـــــــــــــــــا
ترتجف في قلبها خوف تولاها تولــــــــــــــــــــــي
تنفض ايديها ويتقطع نسمها من حذرهــــــــــــــــــا
قالت: انت اشفيك متغيب جفا ولا تخلــــــــــــــــي؟
قلت :لا هذي ولا هذي ولا حتى قدرهـــــــــــــــــا
مير انا كثرت جياتي وخفت انك تملـــــــــــــــــــي
سلهمت بعيونها ..عضت عنبها من قهرهـــــــــــــا
واخبطت بكفوفها صدري ودمعتها تهلـــــــــــــــــي
قالت: اقسم لك برب البيت شوفتك انتظرهــــــــــــا
قلت: اجل وش وخرك وانتي لعنواني تدلـــــــــــي؟
لا يكون انه جفا؟؟ قالت: حشا..وارخت نظرهـــــــا
انت تدري عن ظروفي حط نفسك في محلـــــــــــي
بنت مثلي خارجه من بيت اهلها وش عذرهــــــــــا
لو قدرت اليوم اجي والقى عذر مقنع وحلــــــــــــي
ما معي كل يوم حجه لأهلي ابتكرهــــــــــــــــــــــا
وجه مثل الصبح يتنفس بنور مستهــلــــــــــــــــــــي
فاتنه.. واجمل بنات الكون ما تسوى ظفرهــــــــــــا
جيدها الفتان نور من زجاج مستجلـــــــــــــــــــــــي
لو لمسه ابهامها بصمته تبقى في بشرهــــــــــــــــــا
من شفافية جسدها والنعومه والتجلــــــــــــــــــــــــي
أي شي تشربه ينشاف نازل من نحرهــــــــــــــــــــا
والله ان اللي ببالك يا محمد ما حصل لــــــــــــــــــي
ذبت واروتني عفاف وكل ما فيني شكرهـــــــــــــــا
ما منعني غير طيب اصلي ولي قدر امتعلـــــــــــــي
واللي ادهى من كذا خفت انزل من نظرهـــــــــــــــا
قمت اودعها وانا شوقي يزيد ولا يقلـــــــــــــــــــــي
لحظة هدت فرح ساعه وبالكود افتكرهـــــــــــــــــــا
بعدها عاهدتها بالله حرمت التغلــــــــــــــــــــــــــــي
توبه اتغلي ونار فراقها ما اقوى سقرهـــــــــــــــــــا
يسلمـوووو على الذوق الحـلووو وصـح لسـان الشاعـر
وتقبــل تحيــاتي ،،،،،
