[@امير بكلمتي@]

السلام عليكم ورحمة الله وبركاته ,,,
للأمانة طلب من الشاعر وضع القصيدة في هذا المنتدى الرائع
وهي مهداه للمقدم / ماطر بن خالد العليم الحميداني
مدير إدارة دوريات حفر الباطن
أترككم مع القصيدة أتمنى أن تنال إعجابكم واستحسانكم

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] البارحه نومي على كفي من الهم الثقيل=من ضيقة" كبرت ولاهي عن ضميري زايله
هم" يزاورني وياتي للضماير كل ليل=ماينتحايل لو بغيت أستدرجه وأحايله
يالله عفوك ياولي العرش يانعم الوكيل=إلطف بعبد" صارت أيامه بوقته مايله
يشيل همه يوم ولد اللاش مايقدر يشيل =ويضحك مع العالم وهمه وسط صدره شايله
ماله جدا الا يبدع القيفان ويخيل المخيل=برق" يسر العين والتفكير يوم أخايله
النوم عيا لايجي والهم صار أكبر خليل=يالله تكافينا بلاوي هالوقوت الهايله
الله يقدرني ويهديني على رد الجميل=للصاحب الي في رقبتي مكثرن جمايله
قم يانديبي لازهمت ياعسا عمرك طويل=حيث" إن مثلك لانخيته شاش من مشكايله
أركب على الي ورده عبد اللطيف ابن جميل=الموتر الي ماشكا المسرا وممشا القايله
الأسم لكزس فل أبشن والموديل أخر مديل=عز الله إن ماله حلي ووافيه خصايله
جيب" ليامنه عطا الخط المزفلت مايميل=ماينهزع مع منحدارت الخطوط المايله
أركب على لاركبته ماتبي غير بديل=وشيك قبل تمشي على ماه وعلى سوايله
منصاك راع الطيب والميقاف كساب الجميل=النادر الي قول ونعم مع النشاما نايله
قرم" يعشق الطيب ويروم العلا والمستحيل=له وقفة" تذكر وله صيت" يشرف قايله
وإن قيل منهو قلت أخوي الي لها الهاجس يميل=ماطر ولد خالد ولد ماطر زبون الطايله
ذخري ودرعي لأحتما الميقاف لي سيف" صقيل=أضربه الكايد وأضد إبه الخصوم العايله
عز الله ان الشعر مايوفي وفي حقه قليل=كم حمل عني راعي الفزعات دايم شايله
ياما وقفلي وأرتكا لي ياعسا عمره طويل=يفزع مجرد بس مأرسله على موبايله
يالله عسا يفداه تباع القهاوي والبخيل=ويفداه من يكره مواقيفه ولا هو طايله
هذا العديم الي عساهم فدوته صبح" وليل=غيثا" مثل مزن السحاب إليا إنثعل همايله
كريم سبلا راعي الميقاف شيال الثقيل=مجمل ووافي ونادر مذهبه وأستايله
أبو هلا ملفا هل الطالات مزبان الدخيل=يثني ليا جات المشاكل كلها متشايله
له مجلس" فيه الشحم والعود مع بن" وهيل=على محله دايم العالم تجي متهايله
يضحك حجاجه للضيوف ويكرم الخطار حيل=جنسه فريد ولاتجي من يم مثله مايله
حبه على خشمه وراسه قل حرام إنك أصيل=يقولها ناشي وغيري مثل قولي قايله
قله ترى ماله بعيني لاشبيه ولامثيل=لو المسافه بيني وبينه بعيد وحايله
قله ترى البيت الأخير بخاطري ماله بديل= أقول قولن يوم أقوله حافظ" دلايله
تراي ماعدك يأبو خالد رفيق ولازميل=تراي أعدك ياوسيع العرف ضمن العايله[/poem]

الشاعر / ناشيء بن محمد الحميداني