[هادى مره]

ماهمني قول العرب لو يقولـون "=" والله ماحس بظميري ولا اشقـاه
السب ما يقتل ولا يخـلف اللون "=" والمدح مافاد العـواجي ولا احياه
واللي يجيب مجرد الحكي ملعون "=" تلقى النمـيمه عنـد مثله وشرواه
تلقى الردي بمناقل الحكي مفتون "=" يفرح لـيا حصــل كلامٍ ووداه
خلاَّ هذولا عـــن ذولا يقفون "=" عقب الغـلا والود صارت معاداه
وأشوف أنا بعض الأوادم يصدون "=" أشوف بعض الناس قد شان ممشاه
الله وأكـبر مسرع الناس ينسون "=" وقـت قـضيناه مسرع الناس تنساه
أيام لا غبنا علينا يسألـــون "=" وليا حـظرنــا كل شي وجدناه
واليوم لامروا مع الدرب يغـظون "=" ماكن بــه وقت مـعاهم قضيناه
ياجعل من كبرت أنفسهم يولون "=" من لا يبينا يا عـرب مــابغيناه
كنا نود أيام كانــوا يودون "=" واليوم جزنـا من غـلاهم وعفناه
المجلس اليا لم صاحي ومجنون "=" أخلي المجلس بغمره وحنــاه