[النبـــــراس]

،
ههههههههههههههههههههه

راحوا فيها ..

أكيد ما اتفقوا على الإطار ..
فكل واحد راح يكتب إجابة " شكل "
والدكتور " شكلين " ما بيحكي ..

خليني أحكي لي هيدي الئصة << شعنده " طوني "

المهم :
أيام ما كنت بالجامعة .. كان فيه محاضرة لدكتور تجيب لي " كل الهم "
فأحاول كثر ما أقدر ما أحضرها !!
بيوم جت براسي فكرة :
قلت بأروح للمستشفى الجامعي وأشوف لي دكتور " هندي "
وأنا فيني حساسية بعيوني طبيعي .. وأسوي نفسي أعاني من أرق ..
وصلت لباب العيادة ..
ورسمت على وجهي علامات البؤس .. وبما أني " حفراوي " كان البؤس شي طبيعي على وجهي
وقعدت أشرح له .. عن حالتي ..

فجأة الدكتور الـ " هـ "
تناول ورقة وبدأ يكتب !!
كله بالانجليزي .. وأنا علاقتي بالانجليزي .. مثل علاقتك بالصمان !!!
الصمان : موقع جغرافي في المملكة .. ما عمرك سمعتي فيه

المهم /
أخذت الورقة .. ورحت للدكتور المصري وكان أسمه : .... الزغبي ..
حاولت أهضمه بسبب أسمه بس ما قدرت ...
لحظة أبي أغنية :
نص الئلب رسمتلوه
على الورقة وبعتلوه
.
.
.

أيوه وين وصلنا ؟
الدكتور قعد يقرأ الورقة ..
قال لي : يا أبني من إيه بتشكي ؟!!
قلت له : مشاكل أسرية << كل طلاب الجامعة مرت عليهم السالفة هذي ..
ضغط علي .. قلت له :
أبوي وأمي بينهم مشاكل وشكلهم بينفصلون ..
أنا أشوى !!
قلت بينفصلون ..
واحد " موّت " أمه ثمان مرات !!!
أنا قلت الكلمة هذي ..
والدكتور المصري سوا لي فضيحه بالكلية ..
ليه يا ابني كده ..
ويصارخ
والناس تجمعت عند مكتبه ..
سكرت الباب .. ما نفع ..
يرفع صوته ..
طلعت من المكتب وهو يمشي وراي ويصراخ
يا ابني .. انته بعز شبابك ..

أمك وأبوك بينهم مشاكل حاول تحله إنته و إخواتك بهدوء .. حاول تدخل ناس بينهم
ويصاااااااااااااااارخ

ويمشي وراي ..
ويكلم الطلاب الموجودين ..
مسكين .. أمه وأبوه حيطلئوا !!!
أنا دقيتها لطمة ..
حتى ما أحد يعرفني ..
ووينك يا باب الكلية ..

وبعدها توبت .. أكذب بعذر ..



لينو أي غلطة بالموضوع .. لا تودينها " البدليات "
تراني كتبت بسرعة .. وبدون تركيز ..

أختي " لينو "
الراقية .. جداً ..

شكراً من أعماق القلب على هذا المتصفح

ربي يحفظك ويسعدك
،