[align=center]
ياناس ياناس ليـه الوضـع متدنّـي
اشوف بعض البشر خلّت مباديهـا
والظاهر ان البـلاوي تـو ماجنّـي
ونسيو (عيال الحمايل ) عز ماضيها
قصّـات وجنـوز واشكـالٍ يغبننّـي
ويقلدون العـذارا فـي مماشيهـا
عيوني على وقتنا اللي فـات يبكنّـي
وقتٍ بيوت الشعر تعجـب مبانيهـا
حلالنا مع طلـوع الشمـس مدّنـي
ويمضي نهارك مع الريضان تتليها
وياضحّن الصبـح للغـدران وردنّـي
القاع خضرا وتو السيـل ساقيهـا
يامحلا شوفهـن بالـروض يرعنّـي
في فيضةٍ ماحلا النـوار كاسيهـا [/align]
[align=center]الله الله
رائعة وهادفه
صح لسانك يافوّاز الشمري ولاهنت[/align]