مسااءكم الخير كله
أخواني الشعراء والحضور
لقد وضعت الديوانيه لأي استفسار
أو خدمه أو تعديل أو مساعده تحتاجونهاااا
ياماخذ ( القلب ) قلبي وين . . وديته
نطرت قلبي يجي منك ولا جاني !
رحت اتحراه يرجع والحشا . . بيته
والظاهر بقربك / ارتاح وتناساني
وشلك بقلبٍ تضمه . . ماتمنيته
عادي تضمه ! وعادي تضملك ثاني
ماهي غريبه ليا جالك . . وضميته
وسيع ذمه عسى ربي /لايبلاني
ماخفت ربك وقلبي . . ماتبنيته
غيرت قلبي على ورحت تجفاني
ابيك تذكر وشلي معك . . سويته !
راجع ضميرك ورتب جمله / أحزاني
حتى الشعر فيك ضحكته . . وبكيته
يضحك على شانك / ويبكي على شاني
في داخلي لك كلامٍ . . ماتهقويته
كلام لاجيت أقوله يثقل لساني !
كلام فالصدر من سبتك . . كنيته
عجزت اقوله ماكن لساني / حصاني
حبل الوصل من يدينك ليه . . هديته
حاولت أشيله ولاكن طاح ، مَ أمداني
وقفت حتى مكاني . . ماتعديته
كن الصبر مرني عجل وتعداني !
فنجان فرقاك من صدك . . تقهويته
والحزن غيم على الصدر و ( تقهواني )
على كثر مانزف جرحي . . وداويته
على كثر ماندمت وقلت وش جاني !
الله يسامحك قلبي وين . . وديته
والله يسامحه قلبي وين وداني
:
: