ما اطرد المقفي ليا صفط اشراعه=مخبل اللي للمقفين تباعي
فاقدآ لي سلعت ن واكبر ابضاعه=سلعت ن تشرا ولاهيب تنباعي
رفقة الطيب ليا غير اطباعه=اشهد انها كيتن توجع اوجاعي
من درر الشاعر / سعد بن جدلان
ولكم القصيده كامله
ون بن جدلان من لايعن لاعه =كن في كبدي دوافير صناعي
العب المنكوس واحب روباعه =مهملن في الوقت والوقت خداعي
مادريت ان ضحكة الوقت خداعه=شفت مدخالي ولاشفت مطلاعي
لابغيت اسج والا انبسط ساعه=دق قلبي من ورا حدب الاضلاعي
كن من بين الضلوع الة طباعه =تشتغل لانمت واقوم مرتاعي
هم قلبي مايفرق تجماعه =غير جر الصوت والناس هجاعي
فاقدآ لي سلعتن واكبر ابضاعه=سلعتن تشرا ولاهيب تنباعي
رفقة الطيب ليا غير اطباعه=اشهد انها كيتن توجع اوجاعي
راكب اللي صممه صاحب اصناعه=جمس بيك اب من حديثات الانواعي
الغريب اللي جديدن من انواعه =حوض رفرف مايبي شد وشراعي
لاونس البنزين عجلن تفرقاعه =مخطرآ من سرعته يقلع اقلاعي
لاتحرك شفت في القاع مشلاعه =والتواير تظهر الما من القاعي
ينعش القلب الحزين ابتهملاعه =لامشا قام ايتهملع تهملاعي
لاوطى الارض العتش كن تهزاعه =بنت شيخن طامحآ من ولد راعي
في رجا الغايب تحرا لمرجاعه =تنقد العشاق وتطق الاصباعي
نفسها من جملة الناس منصاعه=ماتبي الا واحدآ ذكره ايشاعي
ينحر اللي ياخذ الطيب بذراعه =الصديق الصافي الصامل الواعي
الوفا والطيب ساسه ومنباعه =يوم بعض الطيب تقليد وصناعي
لاوصلتو فخبروني عن اوضاعه =واخبرو راع السمارا عن اوضاعي
انشدو ويش السبايب بمهزاعه =لاعلي ناقص ولاابيه فــــزاعي
ودنا نرضيه ونحاول اقناعه =كان بن مهمل بعد يسمع الداعي
كان يبغا حق للحق قطاعه =نقنعه والحق ماعنه مجزاعي
وكان مبغض في الرياجيل بتاعه=لايجي ناقد ويلحقني ارياعـــي
فاقدآ لي سلعتآ واكبر ابضاعه=سلعتآ تشرا ولاهيب تنباعي
رفقة الطيب ليا غير اطباعه=اشهد انها كيتآ توجع اوجاعي
حد جدتها على البرق لماعه=وان خذت يومين مفعولها ضاعي
أن تجمعنا على العز والطاعه =وان تفرقتا فجوج الله اوساعي
ما اطرد المقفي ليا صفط اشراعه=مخبل اللي للمقفين تباعي
من يحط اذنه على كل سماعه=جاه فرقآ مابعدها تجماعي
والزباد اختام هرجي ومطلاعه =يدفعه من ريحة المسك ذعذاعي