[align=center]
سو ما بدالك وما ودّك ويحلالـــــــــــــك **** ويعجبْك ويريّحك وتشوف وانسانـــــــي
لنـّي تجرّعت ما يكفي من اقوالــــــــــك **** اليوم ابنساك وانسى كلّ ما كانـــــــــــي
صحيح أحبك وباقي العمر يفدالــــــــــك **** لكن عجاج الظليمه هـدّم اركانــــــــــــي
تدري بغيت اتصّل واسأل عن احوالـــك **** وتدري وش اللي منع عقلي ووعّانــــي
امس اتصلّت وطلع مفصول جوّالــــــك **** وايّست لين اتضّح علمك وعـّدانــــــــــي
قد قلتلك توب.. مانيب اصغر اعيالــــك **** وماهوب أنـا اللي سوات افلان وفلانــي
كم قلت لك تسفه اللايم ليا جالــــــــــك **** تكفا توّخ الحذر تكفا على شانــــــــــــــي
ماظن نسيت إنْ لفاك الضيق واشتاـك **** معك آتضايق لو إنْ البال طربانـــــــــــــي
لاتنظر الناس باطباعك وبافعالـــــــــك **** وشلون آخونك مدامك وسط شريانـــــــي؟
مير إنت سلّيت سيف الهجر لوصالـك **** وحطيّت لك عذر ما يقنع لهجرانــــــــــــي
ما كنت اصدّق تبي تسمع لعذالـــــــك **** وتخون قلبي وتعشق واحد ٍ ثانـــــــــــــــي
ماقول غير الله اللي يغفر اعمالـــــك **** والله يداوي جروح الوقت واحزانـــــــــــي
جازيتني فوق ما صدّيت باهمالــــــك **** بكره يجيك العذاب اللي تلقـّانـــــــــــــــــــي
ان قلت ابنسى يهون القلب من ذلـك **** بس المصيبه ليـّا مرّت على لسانــــــــــــي
مع اطيب التحايا للجميع...[/align]