لن يجف قلمي وشعري عن مدح من هم فوق هامة المدح ... ولن اسوق مغاتير امالي واحساسي الا لمن هم اهل الجود وصانعيه ... ولن استحي من كلمة الحق والصدق بمن اثروا منازلهم .. وجيرانهم .. ومعارفهم ..وافعالهم .. بالطيب والنخوة والكرم الذي يضرب به المثل ..ولن الوذ وراء مسميات الحاقدون بان مااكتبه ماهو الا تسول ..او نفاق ..او مسح جوخ .. بل هو
القلب والنظر ... مدح صنعه الرجال لاجيالهم فتوارثوه وهم اكبر من مدحي وشعري انهم
((( محددة الجمل )))
**
[align=justify]عداني العيب في شعري وطاروقه = دامه لفعل الوفاء والجود ينساقي
في مدح ربعي يزين الشعر وحقوقه = فعل النشاما.. لسقم العوز..ترياقي
اللابة اللي بها الامجاد موثوقه = تاريخم بالفخر والمجد ..شراقي
دهامشة فزعت المضيوم من عوقه = عونٍ لمنهو لسنا الفزعات ..مشتاقي
( مجلاد )هم صفوة الاحسان وعروقه = سلايلٍ للوفاء والعز ...براقي
يضوي سنا الخير( بالضبيان )وبروقه= رجالٍ لها رحلة الفزعات ...تنساقي
( وابن بكر ) تسبق الفزعات ..منطوقه = قول وفعل ..والسجايا ذكرها ..راقي
والطيب عند ( ابن قنفذ ) تثمر عذوقه = شيخٍ دفع للمكارم غالي .. الاسياقي
و(الديدب ) المرجله فعله ومن ذوقه = نهر العطا من يمين الشيخ ..دفاقي
بطيب ( المحيني) ثنايا الفخر مسيوقه = ظل المحيني لجاره ستر ورواقي
والزبيــني غالي الوفاء كيفه ومعشوقه =رجالٍ بها الجود لو زاد الزمن ..باقي
وفعل السلطاني يبيِن بالسماء شروقه = موارث العز تسقي خضر الاوراقي
وسيل الحميا للجميــشي فاض معلوقه = سمعة رجالٍ مداها بكل الافاقي
وعند العيــاشي مركاز الطيب وسبوقه = حرٍ علي هدت الجزلات ..تواقي
وذكر الشليخي يفيض ( النعم ) صندوقه = شلخان ماعاقهم للخير ...عواقي
والصليـــلي تسري غيوم الطيب من فوقه = مزنٍ علي جرهد القيعان ..دراقي
والذايدي... للمراجل تكبر طروقه = ذوايده... سعد منهو بطيبهم هاقي
مناصب المجد ..مطرودة وملحوقه = وحنا لها لو مجال الطايلة ..ضاقي
الهقوة اللي بصدر الصبر ...مخنوقه = رميتها عند ..بيوت العز .. يا واقي
اما تعود مثل ماارسلت ..محروقه = والا تهد ...الحرار .. وتطلق وثاقي
الضيقه اللي تهد القلب ..وتعوقه = تجرح خفايا الحشا ..وتكسر بساقي
غريق دنيا .. وشح الوقت في ...طوقه = حيلٍ تردي لصد الموج ..ماطاقي
والفرحه اللي من وجه الطيب مسروقه = خلت حزين الهجر شهرين ..مافاقي
ماهو خطا لحتما .. المهموم بعروقه = ولا ردي لاتحري فك ...الاطواقي
دام الهقاوي بربعي ..دوم ..مطروقه = اطيب من الدهمـــشي ..والله ماني بلاقي
وان كانها في كفوف الصد ..مصفوقه = ماهو ردي بالدهامشة ...حظي وعاقي
وان كانها ردت الابيات ..مشقوقه = وجهتها للــــكريم ...العدل.. خلاقي [/align]
الشاعر / مفرح بن كريم بن فريح الدهمشي