عرض مشاركة واحدة
قديم 02-05-13, 03:23 PM   رقم المشاركة : 1
وردة الياسمين
عضو فعال
الملف الشخصي






 
الحالة
وردة الياسمين غير متواجد حالياً

 


 

mnn 👰👰برنامج كامل للعروس يغيرك 180 درجه (وللصبايا والمتزوجات)👰👰

برنامج كامل للعروس يغيرك 180 درجه (وللصبايا والمتزوجات)


منقووووووووول


السلام عليكم ورحمة الله وبركاته
واسعد الله صباحكم بكل خير

من باب
(حب لأخيك ماتحبه لنفسك)
(ان الله جميل يحب الجمال)
سوي لك جدول برمضان الين وقت زواجك او للعيد للبنات والمتزوجات اعتمدي فيه ع الخلطات والكريمات المعروفه
ولاتخلي نفسك تجربه اولى لأي شي خصوصا هالوقت حرج مابقي شي ع زواجاتكم
مثل ماقلت لكم انا اعشق الخلطات والاشياء الطبيعية وجربت كثير
فيه اللي استفدت الحمد لله وفيه اللي ماحركت ساكن وفيه اللي شوهتني اعوذ بالله مثل خلطة القرنفل للجسم
وماراح اكتب لكم الا اللي فادتني ومو بس للعرايس حتى البنات
والمدامات


حبيت اعرض لكم برنامج كامل راح يغير بشرتك وجسمك بطريقة خيالية وراح تفاجئي الكل
وطرحته بهالقسم لأن العرايس وغيرهم من محبات الجمال داااااائما موجودين بهالقسم
طبعا انا كتبته قبل بتجمع العرايس بس حبيت الكل الكل يستفيد منه
ومابي منكم غير دعوة بهالشهر الفضيل ان الله يسخر لي زوجي ويكتبني من البارين بأمي
وينحفني من غير شر يااااااارب


اول خطوة

مهمة جدا
وصدقيني بدونها لا خلطات ولا كريمات ولا هم يحزنون راح تفيدك

الا و هي نظافة البشرة
اذا البشرة نظيفه تستفيد من اي شي نقدمه لها فيتامينات كريمات خلطات ...الخ
وانا الطريقة المعتمده عندي الحمام المغربي كل اسبوع

انتوا عارفين ان الجلسة الوحده تكلف 350 ريال معناته بالشهر 1400 ريال
غير كشف الجسم وهذا بحد ذاته حرام
كيف نبي التوفيق من الله بزواجنا وغيره واحنا نتبع طريق غير سوي
ياحبايبي سعر الجهاز مايكلف سعر جلسة وحده 350 واقل
واضمن لك ومنه تعرفين اسراره

وللأمانه هالطريقة ماراح تلقونها بأي منتدى او اي مكان ماخذتها من المكان الاساسي
من المغرب

اول شي شغلي الجهاز وخليه يكون بخار والصابون المعتمد صابون (زوينة) المغربي تلقونه عند كل فروع المرواني للعطاره

1/ ادخلي لمدة 10 دقائق بالبخار بعدها اطلعي وحطي الصابون ع جسمك وارجعي للبخار 10 دقايق واطلعي فركي
جسمك بكل ذمه وضمير بلاش الحنية فيه طبقات جلد ميت ماتشوفيهامتراكمه وفيه مسامات متسدده افركي افكري بالليفة المغربيه السوداء الخشنه او بفرشاة بودي شوب الشفافه بعدها اغسلي جسمك

2/ اي نوع صنفره (يفضل كاب) + ملح الحليب وكركم جسم وادخلي الحمام 10 دقايق واطلعي افركي وافكري وغسلي جسمك

3/ اخلطي سدر+الداد المغربي المطحون + موية ورد وحطية ع جسمك وادخلي الحمام 10 دقايق واطلعي افركيه واغسلي جسمك

4/ حطي ع جسمك كله طين البحر الميت تلقية عند بيت الاعشاب وممكن تلقيه عند المرواني ماسألت وخليه ربع ساعه بعدها ادخلي الحمام 5 دقايق بعدين اغسليه

5/اطحني كلا من (ورد مجفف + خزامى+ بابونج) + موية ورد باااااارده ووزعيها ع جسمك كله ووجهك وشعرك واسترخييييييي
بعدها اغسلي جسمك مزبوووووط وشعرك وجففية ورطبيه بأي مرطب

ولا تنسى اخر شي موية بارده عشان تقفل المسام
وحماااااام الهنا يا عرايس وصبايا ومدامات ^_^



.............................. ............................

برنامج الاهتمام
نجي للمنطقة الحساسة
اولا الابط : البعض يعانون من سمار في هذه المنطقه
انا كان عندي خفيف لأني لما سافرت ماعرف الانواع هناك وجبت واحد اي كلام سمر لي منطقة الابط
وسرت اخجل منها
قالت لي وحده عن مزيل عرق بيزيلين المفتح وان المنطقه هاذي كانت فحم عندها والان نفس لون جسمها ب شهر ونص
اتحمست واتوكلت على الله رحت الصيدلية اوووبس مالقيته
ولقيت التقليد ب 10
الاصلي لقيته عند بيت الاعشاب >>>>موجود بكل مكان بالمملكة هالمحل
رحت اشتريته ب 45 يكفي شهر وماراح تشوفي ولا حتى ظل
ويعتبر مزيل عرق وريحته ورد وقررت ما استخدم الاهوا طول عمري ان شاء الله


بالنسبة للمنطقة الحساسة 2
او منطقة البكيني
من واحنا صغار الثقافه عندنا معدومه عن هاذي المنطقه
ولا احد يدلنا كيف نهتم فيها وبما انها منطقه مكتومه ماتتعرض للتهوية تكتسب لون
غير مرغوب فيه ونكمل المشوار على عماها ولا نهتم

اول شي اذا كنتي من هواه لبس الجينز في البيت ارحمي نفسك
الجينز يكتمها ويسمرها فإنتبهي البسي قطنيات بس بس بس وعادي كل فتره وانتي لحالك بغرفتك
البسي اي لبس بيت قصير او بلوزه طويله بدون بنطلون ولا كلوت >>>عامل التهوية ^_^

المهم نجي للي مالحقوا نفسهم وعندهم سمار
اول شي اغسليها يوميا بالخلطة الصابونية مزبوووووط
بعدها رشي نشا عليها كلها و ع الافخاذ اذا فيها سمار واطلعي ثاني مره تدخلي دورة المياة اغسليها
بصابونة بيزيلين بالورد لتفتيح المنطقة الحساسة وبعدها حطي كريم بيزيلين لتفتيح المنطقه الحساسة بالورد

وكل يومين حطي خلطة (الحناء البيضاء +ماء ورد) وخليها اقل شي ساعتين لحد ماتنشف واغسليها بالصابونة الخاصه
وماراح يمر شهر الا تشوفي لونها نفس لون جسمك وافتح كمان اذا كنتي حاله مستعصيه
اما اذا خفيف السمار حتلاحظي بوقت اقل وكل وحده تختلف عن الثانية
وقبل النوم حطي مسحة زيت جنين القمح او كريم التفتيح عشان الترطيب ونامي بدون كلوت


.............................. .............................. ........



الشور حقك لا يكون اي شور
دللي دلعي نفسك وبشرتك واهتمامك
قبل الشور بساعتين لازم تعتمدين برنامج للشعر والجسم

الشعر ياحلوات انا شعري دهني يعني علاقتي بالزيوت شبه معدومه وماستخدم الا تونكات الشعر
واحيانا حمام كريم ع الشعر بس مو الفروة لترطيبة

اول شي قبل الشور احط خلطه ع جسمي كللللللله من-الى الا وهي (
المكونات

صابونة دوف مبشوورة

نصف كاس ماء ورد

5 ملااعق اكل جليسيرين

5 ملاعق اكل زيت لوز

5 ملااعق اكل جليسوليد

5 ملااعق اكل زيت زيتون

علبة فير اند لافلي

عصير ليمون (6 حبات)



الطريقة

تنقعي الصابونة المبشورة في ماء الورد ليله كاملة

بعدها تحطيها على النار وحركي بملعقة خشب لين تذووب

حطي عليها الجليسيرين وزيت اللوز والجليسوليد حركيها شوي وطفي النار

خليها شوي تبرد وحطي عليها فير اند لاافلي وحركي تماام لين ينسجم الخليط

ضيفي عصير الليمون وزيت الزيتون وحركي تماام بتصير عندك مثل الكريماا

حطيها في علبه وخذي منها مقدار كافي وزعية ع جسمك والباقي حطيه بالثلاجه )
وحظري تونك الشعر اللي عباره عن
(5 ريال كلا من عشبة الهيل الحبشي ... اكليل الجبل ... عشبة السنبلة ) تطحنينها طحن مزبوووووط بالبيت
وتتعب بطحنها خصوصا الهيل الحبشي لأنه الياف وحطيها بعلبه وقبل الشور ب ساعتين خذي ملعقة كبيييره حقت الاكل
حطيها في كوب مع نص كأس ماء مغلي وغطيها

ادخلي الحمام دلكي جسمك كله بالليفه او فرشاة الجسم من بودي شوب >>>>فيه بنات مايتحملونها
بعدين اغسلي جسمك شوفي النعومة من اول مره وبعدين تشوفين لونك وردي جنااااان
بعد ماتغسلين جسمك بالموية جيبي الخلطه الصابونية العبارة عن (
لخلطة الصابونية لتبييض الجسم و نظافته وتشيل مسامات الرجل وتغني عن الصنفرة الخلطة: توحد اللون_تنعم_وتشيل مسامات الرجل و الساق(الله يجزاها خير صاحبتها مزيونة وشقرا)
صابونه الكركم
صابونه الغار
صابونه البابايا

ماء ورد
ملعقة كبيره ملح خشن
ملعقة وسط نشا
طريقة عمل الخلطة :
نبشر صابونه الكركم وصابون الغار وصابونه البابايا
نبشرهم ونضعهم في صحن و نتركهم
نأخذ قدر صغير( وسط ) ونحط فيه ماء الورد ونضع الكركم ثم الملح خشن ونحركهم ونضعهم على النار وإذا سخن قليلاً بس الماء نضع الصابون كله مع بعض ونحركه سوف نلاحظ انه على طول و يذوب مع ماء الورد الحار ونحرك لحد ما يندمج ويصير مثل الخلطة
وعندما يذوب وتتكون الخلطة وإذا سخنت الخلطة وبدت تبقبق قليلاً نحركها و إذا لاحظنا أن المكونات اندمجت مع بعضها وصارت على شكل خلطه نرفعها من النار ونضع النشا على طول وهي حارة على الخلطة ونحركها جيداً
ثم تكون الخلطة جاهزة نفرغها بس في علبه بغطاء ونغطيها ونتركها حتى تبرد ثم نستخدمها عادي وسوف تكون مثل أي صابون عادي
طريقة استخدامها:
مع كل استحمام استخدميها نأخذ كميه في اليد ونفرك فيها الجسم كامل ومع الوجه حتى الرقبة والمنطقة الحساسة والإبط ونخليها من 2- 3 دقائق أو أكثر ونغسلها


يعدها استخدم سنفرة عبارة عن (سنفرة كاب علبة كامله + ملح الحليب كيس كامل + ملعقتين كبيرة كركم جسم) تخلطينها مع بعض وتحطيها بعلبه وتستخدميها كل مره بعد الخلطه الصابونية ع كااااااامل الجسم

وبكذا خلصتي اهتمام بجسمك وقت الشور وممكن خلال اي خلطه تحطين ماسك مثل ماسك الطين للشعر
او اي ماسك يناسبك >>>الطين يناسب الشعر الدهني مثلي

اغسلي شعرك وجسمك وجففيه والان جاء دور الترطيب
ماراح اقولك اي زيت او اي مرطب لا
كريم لتفتيح البشرة عبارة عن

/ كريم فير آند لفلي 2/كريم فيد آوت للتفتيح

3/كريم ريو 4/ كريم بين الصغير

5/كريم كيلي الاحمر الصغير 6/كريم منيرفا


7 / كريم الحساسيه اللي له لونين يجي ابيض وبني / ويجي ابيض واخضر...
اسمه الدريموفيد وناخذ منه الأخضر والابيض مش البني ......

وهو اهم شي عشان ماتضرك الكريمات ...

او تتحسسي منها ... انا بشرتي حساسه ومع كذا الحمد لله ماضرتني ...

جيبي زبديه واخلطي كل الكريمات هذي مع بعض زين زين ... ولاتبقي اي تكتل...
حطي بعلبه خاص لوجهك والباقي
زوديه ب لوشن تفتيح او تأخير نمو الشعر او اي لوشن تفضلينه وخليه لجسمك

وممكن تحفظيها بالثلاجه او برى ...

وصيري ادهني وجهك فيها كل يوم ورقبتك واذنك واي مكان نفسك يتفتح مثل الركب والاكواع ...

وبكذا خلص الشور حقت وسرتي ناعمه
وخلال شهر بإذن الله راح تشوفين نفسك متغيرة 180 درجه
بياض نعومه صفاء وتوحيد لون
انا جربت هالطريقة قبل 7 شهور تقريبا ايام خطوبتي الاولى والكل ان يحسب اني اروح لدكتوره او استخدم شي خارج عن الطبيعه>>>متعوب عليها الكلمه

المهم ياحلوة فاكره التونك حق الشعر ؟؟
اذا طلعتي صفيه وحطي المويه ع الجذور والشعر كله
ما شاء الله تبارك الرحمن بتشوفين لمعه ونعومة من اول استخدام ومع الاستمرار تشوفي طول

.............................. .......................


تونك الشعر هذا سحري بمعنى الكلمة احبه موت وريحته طيبه مو زي بعض التونيكات
وسهللللللل جدا
عباره عن 6 ملاعق كبيرة اكليل جبل + 6 ملاعق كبيرة عشبة الاس
اغلي الموية وحطيه فيها خليه يغلي وعقبه طفي عليه وخليه 24 ساعه
بعدها صفيه وحطيه في بخاخ وبخي على شعرك بكل وقت تلقين نفسك فاضيه
بحول الله راح تشوفين طول وكثره والتونك الاول معاه يا سلاااااااام شعرك يسير زي الهنديات بشهر
واذكروا الله شعري كان لنص الظهر الان الى نص الارداف لا اله الا الله خلال 3 شهور ويوميا

الماسك التاني للشعر مرتين الى ثلاث مرات بالاسبوع عبارة عن
علبتين زبادي +ربع ملعقة قرنفل (حار بس يفتح المسام وينشط الفروه) ونص ملعقة خردل مطحون (اللي من العطار لاتجيبون العيد وتحطون صوص الخردل حق الساندوش)
خليه على شعرك ساعتين قبل الشور جنااااااااااان ترطييييييب وتكثيف ونعومه ما شاء الله

واستخدموا زيت مره كل اسبوع بس لايطول عن ساعه للي شعرها دهني عشان مايتساقط >>>ماحب الزيت بس احيانا اذا غصبتني مامي

هذا برنامجي للشعر بالاضافه للتونك اللي كتبته لكم في الرد الاول


.............................. .......

بالنسبة للبشرة
بشرتي مختلطه +فيها مسامات مفشلتني + احيانا تطلع لي حبوب خصوصا وقت الدورة
اكثر الغسولات اللي ساعدتني رغم ان وحده قالت مافي منها فايده للحبوب مجرد حماية ماتطلع حبوب جديده
انا اقولها بشرة عن الثالنية تختلف انا ساعدتني مجموعة الشاي الاخضر من بودي شوب لتحسين بشرتي وتقليص
المسامات رغم اني استخدمت كثيير كثييير ولا فادني

اول ما اصحى من النوم اغسل وجهي بالخلطة الصابونية اللي فوق وبعدها بغسول الشاي الاخضر والتونك اللي معاه وارطب بنفس كريم المجموعه
قبل الشور بساعتين استخدم غسول كلير اند كلير للمسامات السوداء جنااااان خلاص اسبوع تروح ماترجع ^_^ >>>حلو التعبير
وبعدها احط ماسك (حليب بودره+ليمون)>>>يوميا جناااااااان للمسامات جنان جنان جنان وبأي وقت اكون فيه فاضيه امر ع الثلاجه اخذ شريحة طماطم روعه للمسامات
وقبل النوم اهدي بشرتي حبيبتي واعطيها فيتامين سي ع شكل ماسك او قطعة برتقال واغسلها وانام

بالنسبة للحبوب فيه قطرة تجي مع مجموعة الشاي الاخضر كل ماشفت وحده بدأت تطلع وقت الدوره احطه عليها وتختفي
او معجون اسنان ع نفس الحبه او مسحة طبية وتروح من غير رجعة يارب
وصدقوني مع الاهتمام والنظافة ماتطلع الحبوب الا اذا السبب هرمونات مثل وقت الدورة عند بعض البنات وانا منهم

.............................. ....

بالنسبة للماسكات الاسبوعية
ماسك الشعر (2 حبة خيار + كوب ماء في الخلاط) تخلط وتصفى وناخذ موية الخيار نحط عليها
2 ملعقة سدر +1ملعقة عسل +ملعقة خميرة + ملعقة زيت زيتون ) اخلطيها وخليها ترتاح لما تبدا تنتفخ بسبب الخميرة اخلطيها بيدك وحطي صفار بيضه وحطيها ع شعرك لمدة ساعتين
البعض يستغرب من الخميرة وانا استغرب من اللي يستغرب>>>فكوها
الخميرة فيها اكثر من نوع من فيتامين ب الضروررري للشعر

الماسك الاسبوعي للبشره اللي تقريبا كثير يعرفوه وجربوه وشافو فوائده والبلاوي اللي يطلعها من اول مره
رغم سهولته عبارة عن
(
فرشاة مكياج وسط وبياض بيضه
خذي بياض البيضه واخفقيه مزبووووط الين تسير الرغوة كثيفه
وبفرشاه الميك اب حطي طبقه وخليها تنشف
وارجعي حطي طبقه وحطي فوقها مناديل العاديه طبقه
وارجعي حطي فوق المناديل طبقه وبعدها مناديل وبعدها طبقه وخليها تنشف ع وجهك
تسير نفس نفس نفس لصقات الانف اللي تشيل المسامات السوداء
بعد ماتنشف مزبووووط ابدأي شيليها تطلع الشعر والجلد الميت والمسامات والبلاوي المتلتله
لو كنتي لسه عامله تنظيف حتشوفي حاجه تصرخي منها غير انه يشد البشره ويصغر المسامات بطريقه راااااائعه


.............................. ......................

بكذا انا خلصت مشاكل بشرتي وعلاجها
فيه شوية نصائح

1/ لتقليل نمو الشعر بعد الحلاوة رشي منقوع موية الترمس المر ع الجسم بكل وقت بجد يخففه
2/ رشي موية ورد مخففه ع رجلك ويدك اي نقط سوداء بتختفي
3/الترطيييب مهم لنعومة البشرة
4/لا تتعرضوا للشمس بعد منتجات فازلين لأنها تسمر
5/فازلين +نقطة عكر فاسي للشفايف واي منطقه حابه تورديها وقبلها سوي سنفره بالسكر وزيت الزيتون
6/ لتوريد الخدود طبيعي نقطة عكر فاسي + موية ورد اصلي وبقطنه الميك اب او الفرشه حطي وتشوفي بلاشر طبيعي
ومايخرب البشره
7/لا تستنوا قبل الزواج بشهر عشان تهتموا البشرة واستجابتها تختلف ابدأي من اليوم وخلي نيتك صافيه
واخلصي النية بأنها طاعة لله عند التزين للزوج
8/اشغلي لسانك بذكر الله عند عمل الخلطات والماسكات


بالنسبة ليه عندي عيب واحد مضايقني مره
بسبب زيادة وزني في الفتره الاخيره جاتني تشققات في كل مكان حتى كتفي ويديني ومره مضايفقني هالشي
استخدمت زبدة الشيا مع جهاز المساج خففها >>>بس ماستمريت
استخدمت خلطة الزيوت القرنفل والزنجبيل والنعنا وبعدها تلفي تغليف الطعام خففها <<<<بس ماستمريت
استخدمت كريم من باباريا وكالعاده ماستمريت

لكن امي بإذن الله جايه من السفر بعد يومين يارب ترجع لنا بالسلامة وافضى لنفسي واعالج هالمشكله قبل زواجي يارب

دعواتكم بنات بهالشهر الفضيل ان الله ييسر امري وينحفني من غير شر

واللي حاب ينقل الموضوع
حياه الله بس ينسبه رجااااء لعالم حواء ولي (بنوته ذوق ^_^)