قبل فترة وديت الوالدة تزور وحده تقرب لنا ، وأخذت معها الخادمة ، وفي الوقت اللي كانت فيه الخادمة تركب السيارة ، شفتها تودع الخادمة الثانية اللي واقفه عند الباب وتأشر بيدها " يعني مع السلامة " . كنت مستغرب من توديعها ، يعني لهالدرجة فرحانه مجرد إنها طلعت من البيت وكأنها بتسافر ؟ !! . مسألة وجود الخادمة في البيت من غير خروجها للتنفس هذا بحد ذاته يأهلها إنها تعيش بحالة نفسيّه سيئة ، فكيف لو كان كل وقتها عمل من الساعة 7 الصبح والى 10 بالليل مع وجود فترة راحه في وقت الظهر ماتتجاوز ساعة .
نسمع كثير عن مصائب الخدم لكن فيه سؤال من اللازم نجاوب عليه : المصائب اللي نشوفها من الخدم هي من باب الحقد والحسد او كانت تحت ضغوط من أهل البيت ؟ . أنتم لو تلاحظون إن هالخدم جايين من مسافات طويلة وغربة ، تاركه زوجها وأمها وفيهن اللي تاركه أولادها وهم صغار كل هذا عشان600 ريال بالشهر من باب تدرسهم في المدرسة او تصرف عليهم ، وفوق كل هذا ، تحصل ربةا لبيت تقول لها يا حمارة ليش ماغسلتي الحوش ، يا كلبه ليش نايمه لهالحين ، هذا غير الرواتب المتأخرة ، كل هذا يولد حالة من الإنتقام لدى الخادمة وتختار التوقيت المناسب اللي هو قبل سفرها حتى تنتقم من الجميع . أنا متأكد لو عندنا محاكم خاصة بالخدم وتقبل التظلم اللي يصير عليهم ، راح نحصل تعاملنا معهم مثل تعاملنا مع أولادنا ، يعني سبحان الله ـ نخاف من الأحكام الوظعيّه ولا نخاف من الله ـ سبحانه وتعالى ـ اللي يشهد على كل شي ، ولازم نحط في البال إن المظلومين من الخدم راح يقتصون لأنفسهم يوم القيامة هذا إذا ماكان الإقتصاص قبل السفر بيوم .
الخدم بشكل عام هم شر لا بد منه ، أي شخص غريب يدخل بيتك ويتعرف على خصوصياتك لازم تكون حذر منه أشد الحذر ، وهذا الحذر ما يكون بالضرب والشتم ـ لا ، حاول يكون فيه حزم مع لين ، وحاول توضح لها لو أخطأت من أول مره إنك ما قصرت معها وبين لها الصواب من الخطأ حتى ما يكون إنتقامها هو ردة فعل .
شكرا ً يا حفراوي وبس
جروح الذاكرة " نصراوي " :)