ياوقت لاتظهر لنا وجهك الشيــــن
مـــاعـــــاد نقدر نحتمــــل منك مثقال
زود ٍ على حمل السنه زدت حمليـن
ماهيب لاتقـــــوى ولاهيب تنشــــــال
والصاحب اللي نمدحه ساعة الليـن
وقت القســــا ماعاد يســـوى له ريال
اقفى عجل من عرض ناس ٍ مقفين
وانا وقفت بموقفـــي وقفــــة ابطــال
وحذفت مع دربـــه بكفي حصـاتين
واخترت عن سهل الوطى نايف الجال
اعيش عيشة ذيب بين المعــــادين
اخيـــر من قرب ٍ علــــى هون وأذلال
المـــوت مره والامــــاني ملاييـــن
والعمـــــر فية عصــــر لابد تنــــزال
اخذت حكمــــــه من كلام الحكيمين
تبقـــــى معي واقولهــــا لكل الاجيال
(مايذبح الرجـــــال ياكــــود ثنتين
صدة رفيـــــق وحاجة ٍ عند الانــذال)