جبناه منا وانفرط عقد منا
وعقداتها متحديه للقطيعه
وبادت يديني من كثر ما قرنا
ومن لا بغاه الله يفرق جميعه
يا صاحبي بوصيك لا تستمنا
رجل اذانه للمساوي سميعه
ولا تطلبه لو كان حبات بنا
ولاطيح نفسك عقب ماهي رفيعه
وتر لرجل كلمة تعادل بطنا
من در بحرن مشرفن بالطبيعه
وتر لرجل وقفات ما ينحننا
وقفت جمل ايام ماهي سويعه
وترا المراجل كثرها يشترنا
ومن شرطها من حازها ما يبيعه
والعام يوم الناس كلن تمنا
دنياه ليدينه تجيله طويعه
هي منيتي بدنياي ذكرن حسنا
وأمنن يراودني بسل الوديعه
وارفع يديني لامن الليل جنا
وبالاخره جنات خلدن وسيعه