الموضوع: مرثيه
عرض مشاركة واحدة
قديم 10-04-14, 09:41 AM   رقم المشاركة : 1
ولد تميمي
عضو فعال
الملف الشخصي






 
الحالة
ولد تميمي غير متواجد حالياً

 


 

مرثيه

بسم الله الرحمن الرحيم

قصيدة (مرثيه) بالوالده الغاليه هيله المحمد الفهد الشريده التميميه والذي توفيت يوم السبت الموافق 5/6/1435هـ رحمه الله رحمةً واسعه واسكنها فسيح جناته آمين.

بكيت من جور الليالي والايام•
من الوله والشوق والفقد والموت••


ببكي وابنثر دمعة العين مادام•
عندي رصيد الدمع بالعين مزتوت••


من يبكي الغالين ماضن يلام•
تنزل دموع العين والدمع مفلوت••


كنه سطى بالقلب ضربه من حسام•
للي يقود القوم في عين جالوت••


عم الحزن وسط المنازل والاخيام•
وكتو علينا الناس ببريده اكتوت•


جونا معزيين من الشرق والشام•
واللي بعذره ارسل الضرف مكفوت•


باللي كسوها اليوم مترين من خام•
غطو جسدها فوق الاكفان ببشوت••


حطو عليها اليوم بالقبر مرسام•
ودعتها بالعين والقلب مفتوت•


امي وشاركني بها جملة ايتام•
ام لهم بالعطف والمال والقوت••


ياما سعت بالخير والناس نيام•
تبذل من المعروف بالصمت واسكوت••


تنفق من الماجود وتفطر اصيام•
وتاقف مع المضيوم لاجاه مشتوت••


يارب جتك وكلها دين واسلام•
بضيافتك خلت مداهيل وابيوت••


تعرضت لامراض وهموم والام•
وتصبربتقوى الله وابليس مكبوت••


حتى نحل جسمه بقى دم واعضام•
ومن المرض صارت كما قدمنحوت••


ابوي قبله راحلن لله العام •
في رحمة الله بين الالحاد بسبوت••


الله يجازيها بفردوس وانعام•
وقبره ينور بالمزاهير والتوت ••


يارب في جاهك عن النار لاتسام•
يامنقذن يونس من الجم والحوت••


يالله عساها بجنت الخلد وتنام •
بين القصور انهار وازهار وانبوت••


يقطعك يادنيا بها النفس تنضام•
اليوم في كوتن وبكره لها كوت••


الوقت يمضي يقطعك مثل الاحلام•
والخاتمه لناس في قبر تابوت••


مصايبن جتنا كبيرات وعضام •
نصبر ونرضى بالمقادير وتفوت••


من ربي اقدار على الناس واقسام•
وحنا حمدنا الله بالقلب والصوت ••


وبالخاتمه صلو على خير الانام •
على الذي نسج عليه العنكبوت••
[/COLOR][/SIZE][/CENTER]






رد مع اقتباس