قصيدة بمناسبة فوز فيصل بن دغيم الظفيري بالانتخابات البلدية
يا الله من باسمك صفا القاع يهتز
عطفك ولطفك من بلاوي نشبها
الشعر له حزّه وفزّه إليا فـز
تلفي طروقٍ تطرب اللي لعبها
باسم العريف آلاد علي جيت مرتز
من أهل الوفا لأهل الوفا في وجبها
مشاركٍ عنهم على عز وأعتز
في موقفٍ كلٍ شهد من عربها
صكو بفيصل يوم فيهم تعزز
يوم فيصل بإنتخابه ندبها
جينا نبارك فوزكم يا فتى العز
أحمل مشاعر لابتي في طربها
صغت القوافي بالجواهر تطرز
بياقوتها وألماسها مع ذهبها
لعيون فيصل جبت قافية الإز
وأحس نفسي مقصرٍ في طلبها
لا قلت فيصل شفت أنا المدح يرتز
وحقٍ على اللي بالقوافي كتبها
فيصل وفيصل مكمن الطيب والعز
فيصل مخاسير الوجب ما حسبها
فيصل وفيصل بالمراجل تميز
دروب المعالي سامها واكتسبها
محبوب عند كل القبايل ومعتز
أبو طلال اللي بطيبه جذبها
ولا أنسى عضيده باللوازم ويعتز
مذكور أبو باسل بنفعه وأدبها
الطيّب اللي بمثل شرواه نعتز
تفخر بهم ظفرا وأنا ماجتنبها
وعنكم أبارك بالنيابه وأركز
للأربعه الباقين واللي انتخبها
نجم اللغيصم جاب رقمٍ إميز
وعقاب بن راكان والله كسبها
وحمود بن هذال لا ما تلعوز
ومقعد ابن عواد يومٍ قلبها
فازت بهم كل القبايل بلا إحزز
عيال الحفر هم للحفر في نسبها
وياللي طعنتو بربعكم مالكم عز
لا تفرحون بطعنكم يا عربها
عشرين بيتٍ قلتها قافها إز
من آلاد علي لآلاد علي في وجبها
شــعــــر / الـحــلــــو بن مشهي العريفـــي الظفيـري