** اهداء متواضع يارب يعجبكم ..... للشاعر/ مشهور السرحاني .
قالو تحب اهل الحفر قلت بالحيل
اهل الكرم والجود والمقدريه ...
توارثو العادات جيل ورا جيل
وصارت مع الأجيال مثل الوصيه ...
استاثرو بالطيب جمله وتفصيل
عاشو على المعروف في صدق نيه ...
عطر مجالسهم شذى البن والهيل
فنجال كيف ودلة شاذليه ...
لاجيتهم حيوك نعم الرجاجيل
عندي لهم تقدير مع قابليه ...
بعلومهم كل الونس والتعاليل
ومن قبلها بشر الوجيه النديه ...
اهل الصخا والعز ذباحة الحيل
للضيف مايبغون منه الجزيه ...
قلته وانا قصدي جواب وتعليل
للي سأل في كل روحه وجيه ...
وش فيك لدروب الحفر دايم تميل
يمكن يخفف من ملامه عليه ...
اسعد الله أوقاتكم بكل خير ... يشرفني التواجد بينكم في هذا الصرح الراقي .. وأتمنى أن أكون عند حسن الظن .......................... فهل لي مكان بينكم !!