عزف المشاعر
جميل جدا وضوح الفيلم والصـوره
حيث ان رمز الغلا بانـت تقاريـره
بان الجفا والخطأ والزيف بشعـوره
و كان عزف المشاعر جاد تصويره
يعزف لحون التلون مـا أخـذٍ دوره
وأبدع بفن التصنع فـي مشاويـره
يتبع نفوسٍ على التلبيس مفطـوره
لين اتقن الدور واصبح من مشاهيره
حقق مزيد التميز واصبح اسطـوره
ما كن ربي خلـق حليـاه بالديـره
كل الجوارح غدت بامضاه ممهـوره
حتى اعتلى عرش قلبٍ رافضٍ غيره
كنت احسبه بالهوى نبراس دستوره
ومن الولع ما شقاني غيـر تعبيـره
اثـره ممثـل بجـد ومتـقـنٍ دوره
واشعل فؤادي بسحرٍ بـان تأثيـره
رسمت له لوحةٍ بالوجـد مشهـوره
ومطرزة بالوفـا والحـب والغيـره
حبٍ سما بالتفاني واعتلـى سـوره
ومن الغوى بالمعالي صـادحٍ طيـره
في دوحةٍ بالغـلا والحـب معمـوره
يوم ان روض الهوى تطرخ نواويره
نقطف ورود الجوى والشـوق وزه
ورهولا احدٍ بلغ بالغلا ميزان تقديره
حتى عكس ما(تبيه) النفس بسبوره
وانزاح عني ضباب الوجد والحيـره
رغم التكتم بدأ ب(الحـب )مستـوره
و (لاني)مرتب (هدف)لو بان تفسيره
عندي تساوي غياب العذب وحضوره
مادام مبـدأ الوفـا ماهـو بتفكيـره