[فيصل بن مهنا]

[align=center]مساكم شعر ...

مصافحه اولى ( من ديوانـي ) .. عسى ربي يكتب لها قبول وتعجبكم

دمتم بووود ,,,[/align]





[poem=font="Traditional Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
دام ( العمر ) مهما ومهمـا طـوّل .. بيبقـى قصيـر =وش فيك ( مستكثر علينا ) يالغـلا نعيـش بـ( هَنـا )؟؟
خذ لك من إحساس الغني ( صدقه )اذا أعطـى الفقيـر=وعلّم ( زمانك )لـو كـذب أو خـان ( مبـدا حبّنـا )
وعلّمني اشلـون آآتصبّـر عنْـك .. يـ( الحـر الأسيـر )=في صدري لا صار ( القدر ) ضـد الظـروف وضدّنـا
لامن سألتك ( كيف حالك ؟ )قلت لـي ( والله بخيـر )=وآآنـا أحـس ( الخيـر كلـه ) تايـه ٍ عـن دربـنـا
كل ما طلبتك ( شوفتك )جاوبتني ( بيكـون خيـر )=وش فيك مستعجـل علـى ( الشوفـه ) ؟؟ ترانـا توّنـا
( قلبي )وهو قلبي تخيّل كل مـا تطـري يطيـر=ويجيـك .. والعالـم تقـول( الله لنـا ) ( الله لـنـا )
يا ( غايتي ) في هالحيـاة .. وحلمـي الصعـب الكبيـر=يا ( راحتي ) كل مـا بغيـت ارتـاح .. مـن بعـد العنـا
يا ( وردة ٍ ) تعطي ورود الكـون ( منظرهـا المثيـر )=يا ( نجمة ٍ )فيها ( سنـا ) ماهـوب مثـل ايّـة سنـا
يا ( ملمس الماءوالسما )واحساسي الصّب الحريـر=يا مغيّـر ٍ معنـى ( الفقـر )ومغيّـر ٍ معنـى ( الغنـا )
قلّي .. قبل تشره علي .. هل ذنبي( أعشقك .. بضمير ) ؟؟=وهل ذنبي إنك في ( الحشا )بين البيـارق والقنـا ؟؟
وهل ذنبي .. إني لا فقدتك .. كـ( العمى )والله أسيـر ؟؟=وهل ذنبي .. إنك ما تحس .. بما أحسّه( ها هنـا ) ؟؟
قلّي .. وجاوبني .. دخيل ( أحلامـي )اللـي مـا تصيـر=وقبـل ( التعـب )يمـلا الضلـوع الناحـلات .. وجوّنـا
ما دام أنا وأنت .. انتشارك في ( المشاعر والمصيـر )=وش فيك ( مستكثر علينا )يالغلا نعيـش ب( هَنـا ) ؟؟ [/poem].