دقق كثير بنظرتك بعض الأزوال ــــــــــــــ ولاتنذهل لاشفت بعض المثايل
بعض النسا بالفكر تشبه للأطفال ـــــــــــــــــــ تفكيرها محدود قاصر وطايل
وبعض النسا في فكرها المجد يختال ــــــــــــ مثل الأصيل اللي تقود الأصايل
بعض النسا بالطيب يضرب بها امثال ـــــــــ وبعض النسا تسعى لهدم العوايل
وبعض النسا تسعى لتكديس الأموال ــــــــــــــ ماهمها ياكود جمع الحصايـل
وبعض النسا تتبع هواها بالأفعال ــــــــــــــــــ ماتداري المنقود من قول قايل
وبعض النسا بلسانها سم فعال ـــــــــــــــــــــــــــ تظهر غلا والقلب للشر شايل
وبعض النسا تتبع هل القيل والقال ـــــــــــــــــــــــ ماحسبت للرب يوم الهوايل
وبعض النسا منطوقها عذب الأقوال ــــــــــــــــ وبطيبها تشبه ورود الخمايل
الفرق في طبع النسا طولة البال ـــــــــــــــــــــــــــــــــاللي تشيل بقلبها ماتسايل
وبعض النسا كشخة وموضة وسلسال ـــــــــــ متغطرسة ماتدري العمر زايل
ملبوسها من صيحة العطر أشكال ـــــــــــــ تركض ورا الموضة بكل الوسايل
تبي تفاخر والفخر طيب الأفعال ـــــــــــــــــ ماكل من يسعى على الطيب نايل
وبعض النسا في عقلها عن ألف رجال ــــــــــــ ويثبت على ما أقول عدة دلايل
بالدين والأخلاق وبطيبة الفعال ــــــــــــــــــــــــــ وبافعالها تجمع جميع الخصايل
أصابع ابن آدم تفاوت بالأطوال ـــــــــــــــــــــــــــ وكلا عطاه الله لبعض المثايل
لاشك به فرق بين انثى ورجال ــــــــــــــــــــــــــــــــــ الدين أنصف كل الفصايل