[بطوش]

[align=center]قالت ترى منت بحلو قلت رجال
والزي ن ماهو من شروط الرجوله



الزيــــن يلقى عنـــــد لبــــاسة الشــال
والر جل زين ان كان زانت فعوله



قالــــت علامك تـلـبـس شماغ وعقال
انت بدوي؟قلت بـــدوي ومن حموله
ما ألبس بناطيل لها الوان واشكال
وامـتـــر الشــارع بـعـرضه وطولــه




قالت اجل راعي معاميل ودلال
شــرب القهاوي تحسبونه بـطـولـه



كيفي يابنت الحضر دله وفنجال
وحليــــب خلفه بالمراح مـعـقـولـــه

وحب الكرم والجود وعلوم الابطال
مـغـــروس فـيـنـــا مــــن زمان الطفولـــه



قالت تــــرى بنــــت البـــدو حظها مال
قلت احذري حذرا تكوني جهوله



بنت البدو يابنت مضرب للامثال
فو ق الجمال وطاعة الله خجولــــه



ماحطت اصباغ ولا حطت ظلال
ولا سيرت بالســــــوق سير مهبوله



هي مهرةٍ تصعب على كل خيال
وانتي ومثلك عسفهن بالسـهـولــــــه



قالت تغزل بي وشف حبة الخــــال
ناظر عيوني والرموش الكسوله
قلت العفو مايجتمع حب وهبال
ولكل ذوق فالمزايين جولـــــــه



قلتي وقلت وكلمة الصدق تنقال
الزي ن ماهو من شروط الرجوله [/align]