عرض مشاركة واحدة
قديم 05-12-10, 03:01 AM   رقم المشاركة : 30
نواف التويجري
عضو متألق
الملف الشخصي







 
الحالة
نواف التويجري غير متواجد حالياً

 


 

رد: كارثة هزت مشاعر شعب وجداني واصبح ملجئي هنا

فعلا الاذن تعشق قبل العين
كلمات حركت قلبي
اعجبتني فكتبت على سياقتها

العبـاة الرهيفه فوق ذيـك الردايـف
خلت القلب يرجف غصب ماهو بكيفه
من ردى الحظ قلبي طول الايام خايف
خايفٍ والليالي ما تجـي لـه بكيفـه

ما تجي له بكيفه مثل ما كان شايـف
غيب الايام جاله بالحيـاه الكسيفـه

الحياه الكسيفـه والعنـا والكلايـف
عقب عزه تعرقل بالظـروف الكليفـه

الظروف الكليفه والدمـوع الذرايـف
والسهر والترجي بعـد فرقـا وليفـه

بعد فرقا وليفـه مالقـا لـه ولايـف
غيّم الجو واظلـم بالهمـوم العنيفـه

الهموم العنيفـه بالظلـوع النحايـف
خلّت القلب يرجف بالظلوع النحيفـه

بالظلوع النحيفه عقب يأس وحسايف
وش تفيد الحسايف والقدر حط سيفه

القدر حط سيفه دون زين الوصايـف
حال من دون شوفه ما بقى غير طيفه

ما بقى غير طيفه داخل القلب طايـف
طيف زين الوصايف والخدود النظيفه

الخدود النظيفـه والثمـان الرهايـف
يوم جيته وجاني بالعبـاة الرهيفـه







التوقيع :

رد مع اقتباس