المرحلة الثانية :- السيارات كانت جميعها دفع رباعي 1 همر - 1 جيب تويوتا طويل - 2 تاهو - 3 جيب نيسان طويل - 1 جيب شاص 1 جيب ربع تويوتا - 1 جيب ربع نيسان وتم الانطلاق .. والموعد شق بني سعيد وفي الطريق مررنا بجانب الحواره وهو الجبل اللي دخلت فيه ناقة نبي الله صالح عليه السلام وهو جبل مشهور في المنطقة .. وارتفاعه عالي مره وبالطريق نمر بطعوس عاليه مره وتضاريس الجبال غريبة تشدك لها .. سبحان الله وطبيعي إنك تشوف هالمناظر هذي بالطريق ماقول غير سبحان الله وهذا جبل على شكل وجه إنسان وأخذنا لنا إستراحه خفيفة بالطريق وكملنا طريقنا .. وقربنا من المكان وهذي بداية مدخل شق بني سعيد منطقه رمليه شديدة .. لازم ننسم للكفرات حتى ندخل على فكره المنطقة شوهد فيها نمور ويوم وصلنا لقينا المجموعة اللي سبقتنا .. مجهزين كل شي ذابحين الذبايح ومرتبين المكان .. الله يعطيهم العافية وبدا الجميع بالتوافد وهذول شيابنا وكبارنا الله يحفظهم لنا وكان الجميع مبسوطين ومستانسين خصوصا الصغار وهذي المجموعة تولت الذبح والصلخ والطبخ بقيادة إبراهيم ( ابو هاجر ) الله يعطيهم العافية جميعا كلن عايش جوه يتبـع ..