السلاااااااام عليكم مرحبا صبايا هذا الموضوع قريته بمنتدى ثاني واعجبني ونزلته هنا علشان الكل يستفيد يالله جهزي ورقه وقلم واكتبي عندك لبن بحلتي به وبتنتهي صلاحيته ومتحسفه به !!!! تعااااااالي اقولك طريقتي حنا نشتري البن بكثره وبعض الاحيان تنتهي صلاحيته وباقي فيه نصفه تقريبا عاد انا اسوي به لبنه او جبنه بيضاء على حسب حاجتي اول شي نجيب علبه اللبن (اي لبن)المهم انه لبن مو حليب نصبه بالقدر ونضع عليه ملعتين كبيره خل ابيض والملح (حسب الرغبه)انا حطيت تقريبا على نص العلبه ثلاث ملاعق كبار ملح ناعم يتبعنكمل ونخليه على نار مره صغيره حتى ولو كان بارد من الثلاجه ونخليه ساعتين او اكثر او اقل على حسب كميه اللبن الين نلاحظ عليه انه ثقل مره (بس انتبهي يغلي) تشقق من الوسط شوي وكانه يبيدى يغلي ونطفي عليه النار ونتركه الين يبرد بعدين نجيب مصفاه ونضع عليها قماش انتي تكونين مخصصته للبنه ولا بدون قماس للجبن على المصفاه على طول ونعلقه على حنفيه الطبخ بس عشان ينزل الماء اللي به لمده 18 ساعه تقريبا للبنه مايخرب ان شاء الله في الشتاء وللجبن نصبه على المصفاه على طول ونغطيه بغطى قدر ونخليه يوم او يوم وشوي واللبنه تشكلها دوائر ونحفظها في علبه معقمه بماء حار ونصب عليه زيت الزيتون ليحفظها من الخراب وان شاء الله فهموتوووا علي بس والله طعمها رهييييييييييييييييب لا تفوتكم