بسم الله الرحمن الرحيم السلام عليكم ورحمة الله وبركاته من المعروف ان ماطور الهواء اصبح من اساسيات الكشته ومع كثره الاستخدام يحتاج لتنظيف من الغبار والرمل والكربون من الاحتكاك وتوكلت على الله وفكيت ماطوري لعيونكم مع انه اول مره افكه وما نبي منكم غير الدعوات الطيبه لي ولوالدي (وان يشفي الله اختي ويعافيها) وان شاء الله الشرح يكون وافي وكافي مع الصور الكلام للصور نبدا بالادوات المستخدمه بخاخ تنظيف فرشه مفك مربع وسداسي طبعا كل المواطير نفس الطريقه الاختلاف بسيط مثلا الماطور الي يجي مع سيارات تويوتا يكون على ترس ودينمو وبستم بلاستيك اما ماطوري على رمان وعمود وبستم المنيوم طبعا انا نظفته بالفرشاة فقط وبالامكان استخدام البخاخ وقماش نفك الاربع مسامير ونفك القاعده ننظف الذراع والغرفه الداخليه بالفرشاة اولا وبعد كذا نرش البخاخ ونمسح بقطعه قماشيه ونزيت الذراع فتحات سحب الهواء لضغطه ونلاحظ كثره الكربون والتراب حوليها بكذا خلصنا من البستم ونرجع نركب الغطاء (طبعاً حتى الغطاء يجب تنظيفه) وغطاء القاعده ---------------- تقول لا انا ابي اسوي تنظيف كامل حتى للدينمو اوكي كمل معي الخطوات نفك القاعده البلاستيكيه كما هو موضح في الصوره اماكن وجود المسامير بيطلع لنا قاعده حديد فيها مسمارين طويله كما في الصوره ونسحب المسامير ونطلع القاعده بيطلع لنا قلب الدينمو والاجزاء الداخليه نسحب القلب ننظف الاجزاء بالفرشاه وخصوصا بدي الدينمو والمغناطيس من الداخل ولا مانع من مسحها بقطعه قماش مبلله بالبخاخ ونرجع نركب القطع كما كانت وبكذا خلصنا من التنظيف الكامل كل الشكر لصحب الموضوع سطام VIP منقووووووووووووووووووووووول