[إحساس رسام]

أنا قدمت بالموقع ,, ولما جيت استفسر قالو لي انت مالك اسم بالنظام ..

سألت الموظفين ودحوست شوي بالشرؤون الصحيه ,, وصلت لأنه معي تقريباً 500 شخص قدمو وانحذفت بياناتهم من الموقع

يقولون خطأ من الشركه المستضيفه وانحذفت البيانات ,, ومن تحمل الخطأ ؟؟ انا تحملت خطاهم ,, لاحول ولاقوة الا بالله .. إنا لله وإنا إليه راجعون ..

والله العظيم ما داحمتهم ولا سويت شوشره ,, عرفت ان لو انجلط عندهم ماحد راح يسوي لي شي ..

رجعت مع دربي ودعيت على اللي كان السبب ودعيت على كل شخص كان سبب بقطع رزقي ..

ووكلت امري لله سبحانه وتعالى ,,

والله العظيم قدمت بموقع الشؤون الصحية بالشرقية لأخوي اللي أكبر مني ,, بوظايف اداريه بالنعيريه ..

واقسم بالله طلع اسمه ورحنا لهم ,, وخالقي ناس منصفين حقانيين يخافون الله مع ان اغلبهم شيعه ..

بعد فتره رحت للدمام ومريت النعيريه وهو مداوم ,, جيته لمستشفى النعيريه وكان جالس مع زملائه ,, قال لهم هذا اخوي اللي قدم لي ..

رد واحد من اللي جالسين قال والله العظيم قدمنا وحاطين احتمالات انهم ما يقبلوننا ,, وربك سبحانه سهل أمورنا وقبلون بدون واسطات ..

وكل اللي قدمو بالموقع وتم قبولهم يحلفون انهم ما معهم واسطات ..

وبعد فتره صار عندهم توظيف وقدمت بالموقع ,, ورحت للشرقيه ومريت الشؤون الصحيه بالدمام استفسر عن التوظيف ..

والله العظيم استقبلوني بحفاوه وعطوني اهتمام ما كنت متوقعه ,, واقسم بالله ان الدكتور اللي عنده التوظيف عطاني رقم جواله ,, قال مره ثانيه إذا تبي شي لا تعنا وتجي من الحفر ,, أتصل علي وانا اخدمك ..

والله مافيه وجه مقارنه بينهم وبين الشؤون الصحيه بحفر الباطن المهجوره ,, ربع الموظفين مفركين وربع طالعين اجازه وربع باجتماع وربع تجيه تستفسر يكلمك من راس خشمه ..

اسأل الله ان يوفق كل شخص عاطل ويرزقه من واسع فضله ..