دخيل العشق وامواج الغلا وايامي القشرا
تمدين اليدين الناعمه ياانعم من الورده
ابي ظلي على الشاطي يتوج بالزمن ذكرا
عسى من وقفتي هذي الاقي للوعد رده
صحيح الورده ان شابت ماتبقى بالحلا حمرا
ولاكن خدك الاحمر ماشيب لونه المده
عشقت البحر لعيونك لوان الجرح مايبرا
اشوف احروفك امواجه احضن الموج واهده
كرهت الشمس لاغابت اخاف الليل والمسرا
هواجيسي من غيابك غدت في دنيتي عقده
احبك وانت في حبك بعد نبض الحشا ادرا
ودونك مامضى كله اعده بالعمر خرده
وقفت وطالت الوقفه ادور للبطى عذرا
اخاف تودع عيوني والم البحر في برده
دخيلك قبل ماترحل ابي حاجه وانا اشرا
تعالي واخذي الورده وانا بااخذك ياورده
بقلم غنمان الغانم العنتري