يابيت يابيت الكرم والمواجيب
للحين شامخ بين طول العمارات
تدري وشالي مبعدن عنك العيب
والي رفع قدرك بجنب الطويلات
راعيك باني طوفتك طيب من طيب
والساس من عز ومهابه ومروات
ديوانك مشرع لعكف الاشانيب
مدهلك ياقاطع ديارن بعيدات
اليا لفاه الضيف يبشر بترحيب
جته السمينه من يدينن كريمات
عند الجماعه افتخر والاجانيب
اني ربيت في بيت راع الصعيبات
حلال عسرات الامور النواشيب
ماكنها عنده نشيبه وعسرات
الله يهونها على العود ويطيب
ويغفر له الله ويرحمه بكل مافات
يابوي لافترت عضامك من الشيب
اخذ من عضامي اعضامن بديلات
يوم انها حر وشموس ولواهيب
يصير ظلك فوق راسي مظلات
ويوم انها بردن يسل العراقيب
دفاني بشتك واحتضني من الذات
تعطي ولا ترجي وراها مكاسيب
الا من الله رب عرش السماوات
يمناك لامدت تمد مدها غيب
كنك تقول الطيب ياناس بسكات
علمتني ان الكرم والعذاريب
ماتجتمع لو يرجع الحي لا مات
وانا ولدك اللي قضبت المقاضيب
في طاعتك ملزوم في كل الاوقات
دامك بوسط البيت تامر وانا اجيب
ماعذربت بيتك طوال العمارات
صوتك وصوت امي كبار المكاسيب
لا يابعد صوتي وبعد كل الاصوات
وهذي وحده ثانيه
يا بوي دنياي غدت هم وهموم ****** يابوي عقبك عفت كل الليالي
يابوي همي في خفا الروح مكتوم ****** يابوي عقبك مدمع العين سالي
كلمة ابويه منها اليوم محروم **** * والله يعلم ياملا كيف حالي
الانسان في دنياه مكتوب له يوم **** * ولاينفعه خل وجاه ومالي
ينجيه ذكر الرب اللي يعبده دوم **** الواحد المعبود رب الجلالي
الموت حق والامر شي محتوم **** لكن صعب تفارق انسان غالي
والله ماتعوضني عنك قروم **** وياكيف باسلا وصورتك في خيالي
وكلما ذكرتك فارقت عيني النوم **** واصفق بيمنايه بكف شمالي
اطلب اله ٍ بيده الحق مقسوم **** يسكنك في جنات روض العلالي
عني رحلت وقلت يابوي مرحوم **** مرحوم ارددها في كل الليالي
هذا اللي قدرت عليه ان شاء الله يعجبنك
والله يرحم ابوك