[الوطني]

تسلم تسلم يالجنتل على ما ذكرت

وألف شكر على رفع رصيدي بالحياه من عظيم مشاعركم .....

أخي الغالي لا يخفى علي شعورك الطيّب تجاهي

لمعرفتي الشخصيه بعظيم مخزونك الروحي من الجمال الطاغي والصفاء النقي

بالنسبه لطلبك يشرفني تقديم هذه الأبيات كجديد لا يغلى على شخصك السامي

[poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
قضيت الليل في لوعة غياهب حبي المسموم= أعاتب نفسي القشرا من أعماقي واحاسبها

أقلّب دفتر الذكرى لقيت إن الشقا مرسوم= ابصفحة حب مدفونه تناااااسى الوقت يشطبها

تعلقت ابفضا فكري على مركب شقا واهموم= أدوّر لحظة ٍ حلوه من أيامي أداعبها

وتولّجني غرام ٍ شدني للماضي المكتوم= وحرّث نار حب ٍ خامده وأشعل لواهبها

وخلاني كما اللي صار لا معطى ولا محروم= أبوووس أحلامي بشفاه العذاب اللي يكذّبها

وألا يا ليل لا تقسى بقلب العاشق المهموم= وتشقي روح ٍ ابكثر العنا زادت مصايبها

أجر الآآآآه من قلب ٍ جريح ٍ ضايق ٍ مضيوم= يبي النسيان والذكرى تجره في دوالبها


[/poet]