الموضوع: بخصوص طريق قطر
عرض مشاركة واحدة
قديم 21-03-12, 09:27 PM   رقم المشاركة : 4
تركي الوايلي
محلل تنبؤات الطقس والظواهر الطبيعية
الملف الشخصي







 
الحالة
تركي الوايلي غير متواجد حالياً

 


 

Thumbs up رد: بخصوص طريق قطر

اقتباس:
المشاركة الأصلية كتبت بواسطة abo-rana1
   السلام عليكم


حبيت استفسر بخصوص طريق قطر من الحفر اقرب طريق لي وين و كم المسافة التقريبية لها ومن وين اطلع لاهنتو و لكم جزل الشكر والامتنان


دمتم بود

وعليكم السلام ورحمة الله وبركاته

هلابك يابو رنا وحياك الله

طال عمرك

اذا تبي طريق قطر من الحفر

تمشي من الحفر الين توصل النعيريه

راح يجيك منفذ قبل النعيرية بــ5 كيلو يمين تدخل معه وهو ســيد واحد تمشي الين توصل النعيرية بعدها راح تجيك محطة البو عينين
على يدك اليسار وبجنبها فندق اسمه صحارى
انت خذ يمين المحطة وراح يجيك طريق وادي العجمان وهو تراه ســيد واحد
والمسافة من النعيرية الى الاحساء 350 كيلو
اثناء سلوكك لطريق وادي العجمان
راح تجيك هجر وقرى طول الطريق
واول هجرة راح تجيك هي هجرة مليجه
وبعدها الصرار ونطاع والونان وحنيذ وعريعرة

بعد ما تتعدى عريعرة بعشرة كيلو راح يجيك كبري طريق الرياض الدمام السريع
انت امش قدام فوق الكبري راح عاد يجيك طريق الاحساء السريع وهو سيدين
وامش الين تقول سلام يالاحساء

قبل لا توصل الاحساء راح يجيك الكبري الاول انت امش من تحت الكبري وامش سيده ولاتوقف
وراح يجيك كبري ثاني بعد 30 كيلو
قبل الكبري الثاني تجيك لوحه مكتوب قطر الامارات يمين انت عاد بكيفك تبي تروح
مع هذا الطريق او انك تمشي وتدخل الاحساء وراح يجيك طريق قطر اللي بعد جامعة الملك فيصل وهذا يكون بداخل الاحساء يعني تراه زحمه شوي عليك

واي خدمه انا تحت امرك

ملاحظه

ترى طريق النعيرية وادي العجمان هو مختصر لك والفرق بينه وبين طريق الدمام هو خمسين كيلو فقط

بس انتبه
ترى طريق وادي العجمان كله
جمال من النعيرية ووصولاً حتى الاحساء
يعني بالليل اغسل يدك تسرع بهذا الطريق

ولكن بالنهار تقدر تشوف على مــد النظر
ولو ان البعارين كل شوي طالعه وناطحة الطريق نطح ههههه
انا هذا الطريق دائماً امشي معه على مدى اكثر من 22 سنة

وبالسلامه ان شاء الله .








رد مع اقتباس