لقلوب اثكلهن بطش الجهلاء ..
رساله الى هؤلاء ( الجهلاء )
الله يقبح من يسوي سواتك
............ ياللي تطاول يدك فـ .. وجه حرمتك
تنفخ جنوبك .. وانت مهزوز ذاتك
............ وعند الرجال يضيع علمك وقيمتك
مافيك شيمه لاحشى .. وانت فاتك
............ شيمة اهلها .. في عيونك وذمتك
صارت مهب الريح .. بانت سماتك
............ انك ضعيف .. وبان فعلك وشيمتك
كانك تفاخر / ضربها في صفاتك
............ اقبح صفاتك ضربها .. كان همتك
ماهي رجوله .. تشفع لسيئاتك
............ الا دليل الضعف .. لاضقت خمتك
وشلون تنسى من تلم بحياتك
............ ام العيال اللي ليا ضقت لمتـك
ترفا عيوبك .. ساعيه في رضاتك
............ تخشى عقابك .. وانت فاقد لـ رحمتك
حتى ولو اخطت وزادت جراتك
............ الضرب ماهو حل .. والناس ذمتك
تدري وش اكبر عيب شفت بـ حياتك
............ انك تطاول .. يدك في وجه حرمتك