[align=center]أووووف حر ( عدال يالناعم ) .... يا خوي أنت وش جايبك فيذا ( على قلبك وين ما تروح ) ... صبر جميل والله المستعان ... تراك تعبتني قلنا ضمير قال احلبوه ((( ههههه ) .. لاتضحك ( ماعلي منك ) ... كل ما بغيت ابهر اللي أكتبه طمرت في وجهي ( ياهملالي تو الناس ما شفت شي ) ... لا تكفى اللحين خلني شوي أبي افضفض ( شوف ابسكت بس توعدني وعد ما تقول شي ينقدون علينا الناس فيه ) ... خلاص وعد بس أنت أنطم واسكت ( سكتنا وخلنا أنشوف ) ... مابغينا ... اليوم وانا أدوج في المنتدى ( ؟ ) ... احم .. اليوم وانا أتصفح المنتدى .. لاحطت شي كدر مزاجي من قلب ( ؟ ) ... كدر مزاجي مو من قلب ( ؟ ) ... خلاص المهم كدر مزاجي .. حسيت أني مقفل مواضيع بجداره ... كل ما أحط رد يكون هو أخر رد ... وينزل الموضوع .... ويقفل على ردي .. ليشششش .... قولي ليش ( ! ) .... اللحين لما أحتاجك ما ترد ... رد ... ( انت والله أنك ما تستحي .. توك تقول أنطم واسكت ) ... لا خلاص قولي وبعدين أنطم وأسكت ... ( لانك ما تستحي ... انا قايلك من زمان لاترد الا على واحد يستاهل ) ... زين بس أنا بكذا ابني صداقات ( صداقات يا شينها من فمك ) ... ما قلت شي خطاء قلت ص د ا ق ا ت ( لا تتك عليها حيل انا أفهم ) ... مدري عنك ( الصداقات اللي تقول عنها ياحبيبي هناك في الواقع الملموس ) ... يعني ( اي نعم يعني ، المكان هذا ما احد يثق فيه بأحد ) .... غريب ( لا موغريب ) ... الغريب اللي تقوله ... بالعكس الناس في هالمنتدى طيبين وأخلاق ومستوى بعد ( انت ما عندك أحد ) ... ليش ( لا تصدق أن أحد يثق فيك وانت باسم مستعار ) ... يعني شرايك أحط أسمي الصحيح ( تكفى وليرحم والديك دبلت كبدي ) ... أمزح يابن الحلال لا تصدق أصلا أنا لو حطيت أسمي كان ماكتبت اللي قاعد أكتبه اللحين ( تعترف أن اللي تكتبه يفشل ) ... يعني بس هي فضفضه واللي بيعتبرها غير هالشي بكيفه ( أها ) ... نرجع لمحور حديثنا ليش الثقه معدومه ( شوف بلا طولت حكي اي وحده في المنتدى لا ترد عليها ) ... ليش ( أنت تميلح واجد بدون اسلوب والحريم ما يثقون باللي يتميلح ) ... طيحت نص المنتدى ( لو ثلاث ارباعه ) ... زيين شلون الاسلوب يابو الاسلوب (( أنت تقول أختي الفاضله ) ... كلمه حلوه والمفروض أنها تجيب الثقه ( لا ما عندك سالفه ) أقول انا انشغلت اللحين لنا عوده ((( ههههه ) ..( حبيبي انا معاك ) ... أخ نسيت ... بس معاي أن الجو حر ( معاك ) ... فتك بعافيه على قولت جروح الذاكره ... [/align]