السلام عليكم
مساء السعاده
اقدم لكم وجه نظر بقلم google الحفر
اسمي بربي مالك الملك والمُتعال
إله احد فرد صمد عالم النيه
انزهه واقدسه عن هرجة القوال
حسب ملة ابراهيم دين الحنيفيه
اله سجدله كل شيء رضا ..واذلال
وجوده يقينٍ لو يفكر بعقليه
وأصلي على المرسول والحق بالمرسال
عدد لا نهائي بالعلوم الحسابيه
بعدها بسوق القاف والقافيه بريال
ماغير التعب يومن الاتعاب منسيه
اشاهد مجازر سوريا والفكر مهتال
ولا اقدر افسر صمتنا دون سلبيه
نصبًر ضمايرنا بذكرى على الاطلال
وكل الاماني في نهايه دراميه
تراسل علينا الروس من باب الاستغلال
وحنا نجاريها بكل انهزاميه
كلابٍ تحامي كلبها ياملا السلال
عليها من الجبار لعنه سماويه
لو انا نوقف ضدهم وقفة الابطال
ما ضالوا علينا مثل ضول الشريطيه
لكن الحقيقه واضحه في كل الاحوال
نبيع العقيده لاجل نحيا بسلميه
وشنهي حياة العز يا لحية الرجال
ليا روح الرجال يشبه نساويًه
هذا وقتنا حتى المشاعر لها استقلال
ومن سب ربه قالوا ان فيه نفسيه !!
عسى الله يخارجنا لا نؤخذ بشر اعمال
هل العلمنه واللبرله والشيوعيه
ترى الصاحي الي قيد النفس بالاقفال
عن دروب فيها تاخذ النفس حريه
يادرب الهوى فيك الملذه سهل تنطال
ويا درب جنه عدن فيك الكراهيه
ويانفس لو تخطين شومي عن الجهال
عيك المواصل والخطاء باحتماليه
ترى من يخاف من الخطاء يصنع الاهمال
وترى من يخاف النور عاش بظلاميه
هذا ماخطرلي ثم كتبته على استعجال
لو ان علي على هالوقت نظره عدائيه
هذا الوقت ماذكرشفت خاسر من الاطفال
وانا ماذكر اني فزت في طاق طاقيه