أبو غنوووده
تحياتي يالغالي
وأشكرك على إهتمامك بمثل هذه القصائد
وبالنسبه للقصيده اللتي طلبتها .. أبشر ياغالي .. ولكن أحببت أن أقول
أن هناك ثلاث قصائد .. يطلق عليها لقب ( شيخة القصيد )
ومعروفات بإسم / شـــيـــخـــات عـــنـــزه
1) الشيخه الأولى .. قصيدة مقحم النجدي .. وهي اللتي طلبتها
2) الشيخه الثانيه .. قصيدة محمد الدسم .. ومطلعها :
ياخوي لك عندي وصـاة مصيبــــة ..... وصاتي اللي تلمس العقـل وتصيـب
3) الشيخه الثالثه .. قصيدة الشيخ مشعان الهذال .. ومطلعها :
يالله يــامــدبــر الـهـبـايــب والادوار ..... شانك عسى تصريف شانك لنا خير
.
.
.
أما قصيدة النجدي .. فيقول :
يالله يا لمطلـوب يـا وال الأقـدار
أنت الـذي مـدات جـودك لطيفـة
يالله يا لمعبود عـاون هـل الكـار
تحـل شطـات عليـهـم كليـفـه
اللـي مجالسهـم بهـا بـن وبهـار
ونجـرٍ يصـوت للهَجَافـا رجيفـة
ومكارم للضيـف عـدلات وكبـار
ومفطحـات فـي صحـون نظيفـة
يامزنة غـرا مـن الوسـم مبـدار
اللـي جذبنـي مـن بعيـد رفيفـة
تومر على كل المفالـي بالأمطـار
وتصبح بها خـدان قومـي مريفـة
صبح المطر فاحت بها ريح الأزهار
تخالـط النـوار مـثـل القطيـفـة
ترعى بحد السيف قصاف الأعمـار
ترعى زماليـق الفيـاض النظيفـة
قطعاننا مـا يرتعـن دمنـة الـدار
في ضل مروين الغلـب والرهيفـة
ترعى بهـا قطعاننـا سـر وجهـار
تقطف زهر مرباعها مـع مصيفـة
في ضفـة الله ثـم جبـرا وجبـار
خيالـة يـوم المـلاقـى عنيـفـة
ترعى بها وضحى من الذود معطار
غبوقـة الخطـار عجـلا عطيفـة
يبنـي عليهـا بنيـة اللبـن لجـدار
عقب الضعف راحـت ردومِ منيفـة
ما هي حكايا مسـردٍ عقـب مانـار
اللي شرد وطراف رمحـة نظيفـة
ان سوهجوا عنها قليليـن الأبصـار
من دونها نـرو السيـوف الرهيفـة
الصبر مفتاح الفرج عنـد الأذكـار
ومن لا صبر تصبح حواله كسيفـة
خطو الولـد مثـل البليهـي لياثـار
زود على حمله نقـل حمـل أليفـة
وخطو الولد ينبش على موتة النـار
صفر علـى عـودٍ تضبـه كتيفـه
وخطو الولد مثل النـداوي لياطـار
صيده من الجزلات ماهـي ضعيفـه
وخطو الولد يامل قطـاف الأعمـار
مع العرب يشبـه خطـات الهديفـة
حنا كما مشخص عن الصرف ما بار
بالوزن يرجح والمصـاري خفيفـة
الا ومـع ذلـك لـك الله لنـا كـار
عن جارنا ماقيـل نخفـي الطريفـة
حنا نسامح زلة الجـار لـو جـار
نضحك حجاجـه بالعلـوم اللطيفـة
نرفي خمالة رفيـة العـش بالغـار
ونودع له النفـس القويـة ضعيفـة
ما نبدي الخافي ليا صار مـا صـار
يفلج قصير البيت لـو بـان حيفـة
نبيـه لا مـن بـدل الـدار بديـار
وكـلٍ بجيرانـه يعـد الوصيـفـة
أحد علـى جـاره بختـري ونـوار
وأحد علـى جـارة صفـاة محيفـة
نكرم سبال الضيـف حـق وتعبـار
لامن ولـد الـلاش شـح برغيفـة
لا بدهـا ترجـع تواريـخ وأذكـار
وتبقى لدسمين الشـوارب وضيفـة
.
.
.
تحياتي بحجم إحترامي لطلبك ياغالي