قلبي يحب البر لو به كلوفه شمت هواء الصمان تزيد انتعاشة .., صور مميزه متنوعه

تركي الوايلي · 14-02-12, 11:58 PM

بسم الله الرحمن الرحيم

السلام عليكم ورحمة الله وبركاته

مدخل ..,
قٌٍلبٌَِيَ يَحٍّبٌَِ آلبٌَِرٌٍ لوٍ بٌَِهٍَ كَلوٍفْهٍَ ...
شًِْمًتُِِّْ هٍَوٍآء آلصمان تُِِّْزٍُيَدًٍ آنْتُِِّْعًٍآشًِْهٍَ

ياماحلا الصمان وذيك الفيافي

في جو هادي مع ربوعٍ وخلان

الجو هادي جونا اليوم صافي

جوٍ عليلٍ منعشٍ كل حيران

في روضة الصمان والخير ضافي

غطاء عليها العشب اشكال والوان

حدر عليها السيل عقب الجفافي

سالت بها الريضان من كل وديان

رزقٍ من المعبود ماهوب خافي

وأنا أحمد اللي له معزه وله شان

رحنا نهار العيد ربعٍ خفافي

على هانوفٍ وارده صنع يابان

يمشي على النقيان مابه خلافي

لاهوب لاجمسٍ ولاهوب نيسان

الهاي ياجعله علينا متعافي

من رافقه ياخوي ماهوب خسران

وأجلس مع الخلان مهنى كلافي

ونهرج هروجٍ من قصايد وبرهان

شب الحطب شغموم قرم سنافي

زهب لنا الدله من الكيف فنجان

في روضة أم قرين للقلب شافي

ثمٍ بعد مريت فيه وريضان

رحنا الى الديره على أخر مطافي

في ديرة أم رقيب لديار مطران

سالت دموع العين قالو ياكافي

فاقلت أنا قلبي مع البر والهان

قالو جلسنا قلت ماهوب كافي

جلسة سبوع وكنها رمش الاعيان
.........................................
يازين شب النار في جواً خـلاوي
مخضراً نبته عقب ماجف سيلـه
فوق شب النار انا قلبي شفـاوي
في فياضاً تبـري الكبـد العليلـه
زين صب الكيف والتمر الحساوي
وازنـاً بنـه ومسمـاره وهيلـه
للعلوم الطيبـه عنـدي طـراوي
مع نشاماً طبعهم كسـب الجميلـه
الرجال اللـي بعيديـن الهقـاوي
كاسبين الطيب والنظـره طويلـه
ذي منايه يوم كـلاً لـه منـاوي
لـو كـلاً ماكسـب مـا يمتنيلـه

صور مميزه متنوعه في ربوع بلاد السعودية
اخترتها لكم على أمل ان تنال على رضاكم جميعاًالصور مختاره من ذوق تركي الوايلي وهي متنوعه ومنقوله ومن هنا وهناك

الصور تتكلم

تركي الوايلي · 15-02-12, 12:11 AM

انتهى ..,

الشعبان · 15-02-12, 12:31 AM

بيض الله وجهك يابو نواف

ابوبيان · 15-02-12, 12:43 AM

تسلم يمينك أخوي
عزالله إن الصور تتكلم

برق سرى · 15-02-12, 03:59 AM

مشكوووووور والله يعطيك الف عافيه

بطاح · 15-02-12, 05:40 AM

بيض الله وجهك يابو نواف

جعيثن · 15-02-12, 07:38 AM

بيض الله وجهك اعتنا الي الماضي الجميل

القيصومه1 · 15-02-12, 01:47 PM

بيض الله وجهك

محمد البرازي · 15-02-12, 01:55 PM

وش الصور يا تركي غاية بالجمال .

يعلم الله عدت النظر أكثر من مرة .

.

google الحفر · 15-02-12, 09:56 PM

يازين شب النار بارض بياحي @ والزول يزمي لي على مد شوفي

الله الله

تهيضت حسبي الله عليك ياتركي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري